ഞാന്‍ ഒരു മുസ്ലിമാണ്. അള്ളാഹു അല്ലാതെ ആരാധനക്കര്‍ഹനായി മറ്റാരുമില്ലെന്നും മുഹമ്മദ്‌ നബി (സ) അല്ലാഹുവിന്റെ പ്രാവാചകനാണെന്നും വിശ്വസിക്കുകയും വിശുദ്ധ ഖുര്‍ആനിന്റെയും പ്രാവചക അധ്യാപനങ്ങളുടെയും അടിസ്ഥാനത്തില്‍ മുന്നോട്ട് നീങ്ങുകയും ചെയ്യുന്ന മുസ്ലിം. ജീവിതത്തിന്റെ വിഷയത്തില്‍ ഒരു കാര്യം അള്ളാഹു പറഞ്ഞു, മുഹമ്മദ്‌ നബി കാണിച്ചു തന്നു എന്ന് ബോധ്യപെട്ടാല്‍ ആ കാര്യം കേട്ടു അനുസരിചു എന്നതാണെന്റെ നിലപാട്.
കഴിഞ്ഞ കുറെ കാലങ്ങളായി പലരും പല കാര്യങ്ങളിലും ഇസ്ലാമിന്റെയും മുസ്ലിമിന്റെയും നേരെ കുതിര കയറുന്നത് കാണുമ്പോള്‍ മനസ്സ് പിടച്ച് പോകാറുണ്ട്. അക്കമിട്ടു അതെ നാണയത്തില്‍ തിരിച്ചു പറയാന്‍ ശേഷിയുള്ള ആണായി പിറന്നവര്‍ മുസ്ലിമുകള്‍ക്കിടയില്‍ ഇല്ല എന്ന വ്യാചേന ഇവരുടെ കുതിര കയറ്റം കാണുമ്പോള്‍ സംയമനം പാലിക്കുന്നത് ഞങ്ങളെ ഖുറാന്‍ പടിപിച്ച ഒരു മഹത്തായ സംസ്കാരം കാത്തു സൂക്ഷിക്കുന്നത് കൊണ്ടാണ്. "നന്മയും തിന്മയും സമമാവുകയില്ല, തിന്മയെ നന്മ കൊണ്ട് പ്രതിരോധിക്കുക, എന്നാല്‍ നിന്റെ കൊടിയ ശത്രു പോലും നിന്റെ ആത്മ മിത്രമായി തീരും." ഈ മഹത്തായ പാഠം ഞങ്ങളുടെ ജീവിതത്തിന്റെ ഭാഗമായതിനാല്‍ ഞങ്ങളില്‍ നിന്ന് നിങ്ങള്‍ നന്മ മാത്രം പ്രതീക്ഷിക്കുക.
ഇത്രയും പറയേണ്ടി വന്ന ഒരു വര്‍ത്തമാന കാല സാഹചര്യം ഇന്ന് കേരള മുസ്ലിമിന് ഉണ്ടായി എന്നതും, വിവരകേട്‌ മാത്രം കൈ മുതലായ കുറെ മനുഷ്യ മൃഗങ്ങള്‍ മുസ്ലിമിന്റെ അസ്തിത്വത്തിന് ഭീഷണിയായി ഇന്ന് മലയാള മണ്ണില്‍ ഉണ്ട എന്നതു കൊണ്ടുമാണ്..
ബഹുമാനപ്പെട്ട കേരളത്തിന്റെ മുഖ്യ മന്ത്രിയുടെ തരം താണ ചില പ്രസ്താവനകള്‍ കേള്കുമ്പോള്‍ അദ്ധേഹത്തിന്റെ അല്പജ്ഞാനത്തില്‍ സങ്കടം തോന്നിപ്പോകാരുണ്ട്. മുമ്പ്‌ മലപ്പുറത്തെ കുട്ടികളെ പരീക്ഷയില്‍ കോപ്പി അടിക്കുന്ന ഒരു വിഭാഗമായി ചിത്രീകരിക്കാന്‍ അദ്ദേഹം ചില കൊണ്ട് പിടിച്ച ശ്രമങ്ങള്‍ നടത്തി..ആ ശ്രമം അമ്പേ തെറ്റാണെന്ന് തെളിയിച് മാപ്പിള മക്കള്‍ സമൂഹത്തിലെ ഉന്നത സ്ഥാനങ്ങളില്‍ വരെ വിരാജിക്കുന്ന ഒരു അവസ്ഥയില്‍ ജില്ല ഇന്ന് മുമ്പിലാണ്. മുസ്ലിം ലീഗ് രാഷ്ട്രീയതോടുള്ള അദ്ധേഹത്തിന്റെ അന്ധമായ വിരോധം ഇത്തരം നിലവാരം താണ അവസ്ഥയിലേക്ക് അദ്ധേഹത്തെ എതിച്ചതില്‍ നമുക്ക്‌ സഹതപിക്കാം...
ആരൊക്കെ എന്തൊക്കെ പറഞ്ഞാലും ശരി ഒരു കാര്യം സുതരാം വ്യക്തമാണ്. തനി മാപ്പിളമാരായ മലപ്പുറത്തെ മക്കളെ വിദയഭ്യാസപരമായി ഉയര്‍ത്താന്‍ സി. എച്ച്. കാണിച്ച ദീര്ഘ വീക്ഷണം ഒന്ന് മാത്രമാണ് മുസ്ലിം സമൂഹത്തിന്റെ വിദ്യാഭ്യാസ പുരോഗതിയുടെ നിധാനം. വിറക്‌ വെട്ടികളും വെള്ളം കൊരികലുമായ ഒരു ജനതയുടെ പിന്‍ഗാമികള്‍ എഞ്ചിനീയര്‍മാരും ഡോക്ടര്‍മാരുമായത്‌ അദ്ദേഹം തുടങ്ങി വെച്ച ഒരു ജാഗരണത്തിന്റെ ഭാഗമാണ്... എന്റെ വിദ്യഭ്യാസത്തിന്റെ മുഴുവന്‍ തലവും കടന്നു പോയത്‌ സി. എച്ചിന്റെ പാര്‍ട്ടി ഉണ്ടാക്കി എടുത്ത സ്ഥാപനങ്ങളുടെ അകതലങ്ങളിലൂടെ ആണ്. പിന്നിട്ട വഴികളിലേക്ക്‌ തിരിഞ്ഞു നോക്കുമ്പോള്‍ അതിന്റെ സ്വാധീനം എത്രയുണ്ടെന്ന് ഇന്ന് ഞാന്‍ അറിയുന്നു..ഒരു നന്മ ആര് ചെയ്താലും അതിനെ പ്രോത്സാഹിപ്പികുകയും അന്ഗീകരിക്കുകയും ചെയ്യാനുള്ള വിശാല മനസ്കത മനുഷ്യത്വത്തിന്റെ പരിപാവന പ്രതീകമാണ്. ആ അര്‍ത്ഥത്തില്‍ മാറി മാറി വരുന്ന ഗോവെര്‍മെന്റുകളില്‍ അധികാരം പന്കിട്ടപ്പോഴൊക്കെ മുസ്ലിം ലീഗ് വിദ്യാഭ്യാസ വകുപ്പ്‌ ക്രിയാത്മകമായി കൈ കാര്യം ചെയ്തു വന്നത് അഭിനന്ദനീയമാണ്. ഒറ്റപ്പെട്ട സംഭവങ്ങളെ ഉദാഹരിച്ചു വലുതാക്കി നടത്തുന്ന രാഷ്ട്രീയ പകപോക്കലുകല്‍കപ്പുരത് നന്മയുടെ വിത്തുകളെ പാകി മുളപ്പിച്ചു വളര്തി വലുതാകാന്‍ പ്രതിജ്ഞ എടുകുക്കുക എന്നതാവണം നമ്മുടെ നിലപാട്.
ഏററവും ഒടുവില്‍ കേരളത്തെ ഒരു ഇസ്ലാമിക ഭൂരിപക്ഷ പ്രദേശമാക്കാന്‍ ശ്രമിക്കുന്നു എന്ന വര്‍ഗീയ വിത്ത്‌ പാകിയപ്പോള്‍ ഒരു മുഖ്യമന്ത്രിയുടെ വിവരമില്ലായ്മ മറ്റൊരു മഠയന്റെ പുലഭ്യം പറച്ചിലായി മാത്രം കണ്ടാല്‍ മതിയെന്ന് തോന്നുന്നു..പക്ഷെ ചില തിരുത്തലുകള്‍ അനിവാര്യമാണ്..മുസ്ലിമിന്റെ കുടുംബ ജീവിതവും അതിന്റെ ലക്ഷ്യവും എന്താണെന്നും അവര്‍ അതിനെ എങ്ങനെ നോക്കി കാണുന്നു എന്നും...എന്റെ കുടുംബം ആണ് എന്നും എന്റെ ശക്തി...സമൂഹത്തില്‍ നില നില്‍കുന്ന ആരാജകത്വങ്ങളില്‍ മിക്കവാറും ലൈംഗിക അരാജകത്വമാണ്. കുത്തഴിഞ്ഞ ജീവിതം ശീലമാക്കിയ ഒരു ജനതയുടെ മുമ്പില്‍ ഇസ്ലാമിക കുടുംബ ജീവിതം വരച്ചു കാണിക്കുന്ന നന്മയുടെ കുറെ വഴി അടയാലങ്ങളുണ്ട്. സദാചാര ബോധത്തിന്റെയും നന്മയുടെയും വഴി അടയാളങ്ങള്‍ കുടുംബ ജീവിതത്തിലൂടെ ജീവിച്ചു കാണിച്ചാണ് മുഹമ്മദെന്ന പ്രവാചകന്‍ ഒരു ജനതയുടെ ജീവിത രീതിയെ മാറ്റി മരിച്ചതു. ആ പാത തന്നെയാണ് ഓരോ മുസ്ലിമും പിന്തുടരുന്നത്. ബന്ധങ്ങളുടെ മൂല്യം നഷ്ടപെട്ടത് കൊണ്ട് മാത്രമാണല്ലോ വൃദ്ധ സദനങ്ങള്‍ ഉദ്ഘാടനം ചെയ്യപെടുന്നത്. ഇപ്പോള്‍ കൂണ് കണക്കെ മുളക്കുകയും ചെയ്യുന്നു..ജീവിത സൌഭാഗ്യങ്ങളില്‍ ഒരു മുസല്‍മാനു ലഭിക്കുന്ന വലിയൊരു നിധിയാണ് മക്കള്‍ എന്നത്. അത് കൊണ്ട് തന്നെയാണ് മുസ്ലിമിനെ സംബന്ധിചിടത്തോളം മക്കളും മക്കളുടെ എണ്ണവും പ്രിയപെട്ടതാവുന്നത്. അംഗ ബലത്തിന്റെ പേരില്‍ ഒരു ധ്രുവീകരണം സമൂഹത്തില്‍ സൃഷ്ടിക്കല്‍ മുസ്ലിമിന്റെ ലക്ഷ്യമായി എവിടെയും പടിപ്പിക്കപ്പെട്ടിട്ടില്ല എന്നതിനാല്‍ ബഹു മുഖ്യ മന്ത്രിക്കുള്ള ആശങ്ക നമുക്ക്‌ തീരെ ഇല്ല.
കുടുംബ ജീവിതത്തിന്റെ വതായനാങ്ങള്‍ ഞാന്‍ ഇനിയും തുറന്നിട്ടില്ല. പക്ഷെ വിചാരവും വികാരവുമുളള പച്ച മനുഷ്യന്‍ തന്നെയാണ് ഞാനും. മുമ്പ്‌ പലരും കുടുംബ ജീവിത സ്വപ്നങ്ങളെ കുറിച്ച് എന്നോട് ചോദിച്ചിരുന്നു. അവരോടൊക്കെ പറഞ്ഞ മറുപടി അഭിവന്ദ്യ മുഖ്യമന്ത്രിക്കും സമാനചിന്താഗതിക്കാര്‍ക്കും വേണ്ടി ഒരിക്കല്‍ കൂടി കോറിയിടട്ടെ! ഞാനും ഒരു മാപ്പിളയാണ്..മലപ്പുറത്തുകാരന്‍..പത്തു മക്കളുടെ പിതാവകണമെന്നു ആഗ്രഹിക്കുന്ന ഒരു പാവം പ്രവാസി....എന്റേതെന്നു പറയാന്‍ പത്തു മക്കള്‍ വേണം. വീടിനും കുടുംബതതിതിനും എന്റെ നാടിനും ഉപകാരപെടുന്ന സല്സ്വഭാവികളായ പത്തു മക്കള്‍...അവരുടെ എണ്ണം പെരുപ്പിച്ചു കാണിച്ചു ഒരു രാഷ്ട്രീയമോ വര്‍ഗീയമോ ആയ മുതലെടുപ്പ് നടത്താനല്ല മറിച്ചു അന്തസ്സും ആത്മാഭിമാനവും മനുഷ്യതവും മരിച്ചിട്ടില്ലാത്ത പത്തു മക്കള്‍ക്ക്‌ ജന്മം കൊടുക്കാന്‍ കഴിഞ്ഞെല്ലോ എന്നാശ്വസിച് അഭിമാനം കൊള്ളാന്‍ വേണ്ടി.....അതെന്റെ പരലോക ജീവിതത്തിനു മുതല്കൂട്ടാകാന്‍ വേണ്ടി....അല്ലാതെ ഒന്നിനും കൊളളാത്ത ഒന്നോ രണ്ടോ എണ്ണതിനു ജന്മം നല്‍കി മുഖ്യമന്ത്രിയെപ്പോലെ വിലപിക്കുന്ന കുറെ ആളുകള്‍ക്ക് വിലാപത്തിന് സാഹചര്യം സൃഷ്ടിക്കണം എന്നെനിക്കുട്ദെശമില്ല...... തന്റെ മക്കളെ ഓര്‍ത്തു അഭിമാനം കൊള്ളുന്ന ഞാന്‍ അറിയുന്ന ഒരുപാട് ബാപ്പമാര്‍ എന്റെ അറിവിലുണട്. അവരുടെ പിന്‍ഗാമിയാവാന്‍.... തന്റെ മക്കളെ ഓര്‍ത്തു അഭിമാനം കൊള്ളുന്ന എന്റെ ഉപ്പയെ ഞാന്‍ പലവുരു അറിഞ്ഞിട്ടുണ്ട്...ആ ഉപ്പാക്ക് അന്തസ്സുള്ള കുറെ പേര മക്കളെ സമ്മാനിക്കാന്‍.............ഇങ്ങനെ നീണ്ടു പോകുന്നു എന്റെ ലക്‌ഷ്യം...
ഭരണഘടന അനുവദിച്ചു തന്ന നിയമ പരിധിക്കുള്ളില്‍ നിന്ന് കൊണ്ട് ഇഷ്ടപെട്ട മതം വിശ്വസിക്കുകയും അത് മറ്റുള്ളവര്‍ക്ക് എത്തിച്ചു കൊടുക്കുകയും ചെയ്യുക എന്ന മതപരമായ ബാധ്യതയും ഞങ്ങള്‍ മുസ്ലിംകള്‍ ഇന്ത്യ രാജ്യത് ചെയ്യുന്നുണ്ട്. അവിടെ ആരെങ്കിലും മുസ്ലിമായി ജീവിക്കുന്നുവേന്കില്‍ അത് ഇസ്ലാമിന്റെ മഹത്വം കൊണ്ട് മാത്രമാണ്, അല്ലാതെ ഞങ്ങളുടെ വ്യക്തി മഹാത്മ്യം അല്ല. ആണെന്ന് അവകാശപ്പെടുന്നുമില്ല.
ലൌ ജിഹാദിന്റെയും മറ്റും പേര് പറഞ്ഞു മുസ്ലിംകളുടെ മേല്‍ കുതിര കയറിയപ്പോഴും ഞങ്ങള്‍ മൌനം പാലിച്ചത് ഖുറാന്‍ ഞങ്ങളെ പഠിപ്പിച്ച രീതി അതായത്‌ കൊണ്ട് മാത്രമാണ്. കംമമ്യുനിസതിന്റെ ആശയ ദാരിദ്ര്യം ശക്തമായ അടിയൊഴുക്ക് സൃഷ്ടിച്ചു തുടങ്ങിയപ്പോള്‍ കാലിനടിയിലെ മണ്ണ് ഒലിച്ചു പോകുമോ എന്ന് പലരും ഭയപ്പെടുന്നുണ്ട്..നാമധാരികളായ മുസ്ലിമുകളും, വ്യക്തി വിരോധങ്ങലുടെയോ മറ്റു പ്രശ്നങ്ങളുടെ പേരിലോ മാത്രം അല്പം ചില ആളുകള്‍ കൂടി മുസ്ലിം സമുദായത്തിന്റെ പേര് പറഞ്ഞു അച്ചുതാനന്തന്റെ പിറകില്‍ ഉണ്ടായേക്കാം. പക്ഷെ അതും ചോര്‍ന്നു പോകുന്ന ഒരു കാലം അതി വിദൂരതല്ല..
ഒന്നോര്‍ക്കുക ഞങ്ങളെ പ്രകൊപിതരക്കാന്‍ നിങ്ങള്‍ എന്ത് പറഞ്ഞു വന്നാലും ശരി, ഞങ്ങള്‍ നിങ്ങള്‍ വിചാരിക്കുന്ന ആളുകളല്ല...പ്രതികാരത്തിന് എല്ലാ നിലക്കും കഴിവുണ്ടായിരുന്ന ഒരു കാലത്ത്‌ മാപ്പെന്ന പദത്തിന്റെ വിശാലമായ അര്‍ത്ഥ തലം പ്രായോഗിക ജീവിതത്തിലൂടെ കാണിച്ചു തന്ന മാഹനായ ഒരു മനുഷ്യന്‍ പഠിപ്പിച്ചു തന്ന ഉന്നതമായ മൂല്യങ്ങള്‍ കാത്തു സൂക്ഷിക്കുന്ന ഒരുത്തമ സമൂഹത്തിന്റെ ഭാഗമാണ് ഞങ്ങള്‍...നിങ്ങളെപ്പോലെ തിരിച്ചറിവ് നഷ്ടപെട്ടാല്‍ നമുക്കിടയില്‍ പിന്നെന്താണ് വ്യത്യാസം..???
