Monday, August 02, 2010

"ഏന്യാസ്‌ ഇന്ന് ഉണ്ട നോമ്പാണ് നോററത്"- എന്‍റെ നോമ്പുകാലങ്ങള്‍

വീണ്ടുമൊരു നോമ്പ് കാലം വരുന്നു...ഓര്‍മ്മകള്‍ ഒരുപാട് കടന്നു പോകുന്നു....പക്ഷെ പലതിനും ചിതലരിച്ചു തുടങ്ങിയിരിക്കുന്നു...നോമ്പ് എന്നത് പെരുന്നാളിന് മുമ്പുള്ള വലിയ ഒരു സംഗതി ആയി മനസ്സില്‍ കുടിയിരുന്നിരുന്ന ഒരു കാലം കഴിഞ്ഞു പോയി...ഒരു മാസത്തെ സ്കൂള്‍ അവധി കിട്ടുന്ന ഒരു ആഘോഷമായും നോമ്പ് കടന്നു പോയി....ഇപ്പോള്‍ നോമ്പ് ഒരു അനുഭൂതി ആയി മാറുകയാണ്..

എന്ന് മുതലാണ്‌ നോമ്പ് അനുഷ്ടിച്ചു തുടങ്ങിയത് എന്ന് കൃത്യമായി ഓര്‍മ്മ ഇല്ല...ഒരു നോമ്പ് മുഴുവന്‍ നോററാല്‍ ആയിരം രൂപ തരാം എന്ന് ചെറുപ്പത്തില്‍ ഉപ്പ പറഞ്ഞു...എന്‍റെ ഓര്‍മ്മയില്‍ നോമ്പിനെ കുറിച്ച് വരുന്ന ആദ്യ ചിത്രം അതാണ്‌...വടക്കങ്ങരയില്‍ കിഴക്കെകുളമ്പിലെ വീട്ടില്‍ ആ നോമ്പ് തുറന്നു കിട്ടിയ നൂറിന്‍റെ പത്തു നോട്ടുകള്‍ തലങ്ങും വിലങ്ങും എണ്ണി നോക്കി ഒടുവില്‍ നോട്ടിന്‍റെ മൂല്യം മനസ്സിലാകാതെ ബാല്യത്തിന്‍റെ നിഷ്കളങ്കതയില്‍ ആ പണം ഉപ്പക്ക് തന്നെ തിരിച്ചു കൊടുത്തത്‌ ഇന്നലെ കഴിഞ്ഞു പോയ പോലെ ഇന്നും ഓര്മ്മകയുണ്ട...

മുഴുവന്‍ നോമ്പും നോല്‍കുക എന്നത് ഒരു സ്വപ്നമായ കാലം ഉണ്ടായിരുന്നു...അന്ന് പ്രായം കുറവാണ്. ഉമ്മയുടെയോ ഉപ്പയുടെയോ സമ്മതം ലഭിക്കുകയും ഇല്ല.....സ്വന്തം സുഹ്ര്തുക്കള്‍ മുഴുവന്‍ നോല്കും. അവര്ക്ട മുമ്പില്‍ നിവര്ന്നു നില്കാന്‍ കഴിയാത്തതിലുള്ള വിഷമം..പിന്നെ കാലം മാറി...ഉപ്പ ഗള്‍ഫില്‍ പോയി..ഏതൊരാളെയും പോലെ ഉമ്മയെ പറ്റിക്കുക എന്ന പണി എനിക്കും എളുപ്പമായിരുന്നു..ഉമ്മയെ സോപ്പടിച്ചു നോമ്പ് നോറ്റ് തുടങ്ങി...ഞെളിഞ്ഞു നടക്കും....ആരെങ്കിലും ചോദിക്കണം....ഇന്ന് നോമ്പുണ്ടോ..?അങ്ങനെ ചോദിപ്പിച്ചു മറുപടി പറഞ്ഞു വൈകുന്നേരം ആകുന്ന ബാല്യകാല നോമ്പ് മുന്നോട്ടു പോയി...യാഥാര്ത്ഥ്യം മറ്റൊന്നായിരുന്നു...സുഹ്ര്തുക്കലോടഭിമാനിക്കാന് വേണ്ടി എടുക്കുന്ന നോമ്പ് വൈകുന്നെരമാകാന്‍ പ്രയാസപ്പെട്ട് പള്ളിയിലെ പൈപ്പില്‍ നിന്ന് വുദു എടുക്കുമ്പോള്‍ ദുഹ്റിനും അസരിനും നോമ്പ് തുറന്നു തുടങ്ങി...നോമ്പിന് അണ്ടി പറിക്കാന്‍ വേണ്ടി ഉപ്പയുടെ വീട്ടിലേക്ക്‌ പോകുന്ന നിഷാദിനെ എസ്കോര്ട്ട് അടിച്ചു പോകുമ്പോള്‍ അയന്തയിലെ ചോലയില്‍ നിന്ന് വെള്ളം കുടിച്ച് നോമ്പ് തുറന്നു തുടങ്ങി...അങ്ങനെയിരിക്കെ ഒരു ദിവസം അയന്തയിലെ ബാപ്പ(ഉപ്പയുടെ ബാപ്പ) പൊക്കി...നാടന്‍ ഹാസ്യത്തില്‍ എല്ലാവരുടെയും മുമ്പില്‍ വെച്ച് ബാപ്പ പറഞ്ഞു "എന്യാസ്‌ ഇന്ന് ഉണ്ട നോമ്പാണ് നോറ്റത്... "

നോമ്പ് പലതും പഠിപ്പിച്ചു തന്നു....ജീവിതത്തില്‍ ആദ്യമായി കള്ളനായത് നോമ്പിനാണ്...ഉമ്മയുടെ ബാഗില്‍ നിന്ന് മൂന്നു രൂപ കട്ടെടുത് അങ്ങാടിയില്‍ പോയി ബാലമംഗളം ചിത്രകഥ വാങ്ങി വയറ്റത് തിരുകി പള്ളിയുടെ മുകളില്‍ കയറി വായിച്ചു തീര്ത്തതത് ഒരു നോമ്പിനാണ്..... പിന്നീടവിടുന്ന് പലതും......തിരിച്ചറിവില്ലാതെ പോയ ബാല്യത്തിന്റെ ചാപല്യതകളില്‍ ചെയ്യാത്ത കളവിന് പ്രതിയാക്കപെട്ടതും ആ മാനക്കെടില്‍ എന്റെ ഉമ്മ എന്നെ ശപിച്ചതും......എല്ലാം ചിതലരിക്കാത്ത മനസ്സിന്റെ ഓര്‍മ്മകളാണ്...ബാല്യവും കൌമാരവും ഉമ്മ വീട്ടില്‍ ആയതിനാല്‍ നോമ്പിനെ കുറിച്ചുള്ള ഓര്‍മ്മകളും അവിടെയുമായി ചുറ്റി തിരിഞ്ഞതാണ്..ബാപ്പയുടെ കൂടെ ഉള്ള നോമ്പ്..നമസ്കാരം...തറാവീഹ്...എല്ലാം...1997ല്‍ ഉമ്മയും പെങ്ങളും ഗള്‍ഫില്‍ പോയി...ഉമ്മയില്ലാത്ത ജീവിതത്തിലെ ആദ്യത്തെ റമദാന്‍...ഉമ്മയുടെ അഭാവം വല്ലാതെ സന്കടപ്പെടുതിയിരുന്നു...സുബ്ഹി നമസ്കരിച് പള്ളിയില്‍ കിടന്നുറങ്ങും..ഉറക്കുനര്ന്നാല്‍ തൊട്ടടുത്തുള്ള ടെയ്‌ലര്‍ കടയില്‍ കയറി ഇരിക്കും..ദുഹരിനു പള്ളിയില്‍..വീണ്ടും ഷോപ്പില്‍...ഇങ്ങനെ ഒരുമാസം നോക്കി ഇരുന്നു ഞാന്‍ ഷര്ട്ട്്‌ അടിക്കാന്‍ പഠിച്ചു..പിന്നെ ഞാന്‍ എനിക്കുള്ള ഷര്ട്ട്ര‌ അടിച്ചു..ഉപ്പക്ക് ഷര്ട്ട് ‌ അടിച്ചു കൊടുത്തു....നോമ്പ് തുറപ്പിക്കള്‍ വലിയ അനുഭൂതിയായിരുന്നു..കുഞ്ഞാക്കാന്റെ വീടിലെ തുറ, അമ്മായിയുടെ(എന്‍. പി. അബ്ദുല്‍ ഖാദര്‍ മൌലവി) വീട്ടിലെ തുറ, പള്ളിയിലെ സമൂഹ തുറ തുടങ്ങിയതെല്ലാം എല്ലാ നോമ്പ്‌ കാലത്തിന്റെയും മധുരമായ സ്മരണകളാണ്...

പിന്നെ പിന്നെയുള്ള നോമ്പ് കാലങ്ങള്‍ തിരിച്ചരിവിന്റെതായിരുന്നു...നോമ്പിന്റെ ലക്‌ഷ്യം, പ്രാധാന്യം എല്ലാം മനസ്സിലാക്കി അതിനെ ആ അര്‍ത്ഥത്തില്‍ പഠിപ്പിച്ചു തന്ന ബാപ്പയുടെ കൂടെയുള്ള നോമ്പ് ദിവസങ്ങള്‍ മറക്കാന്‍ കഴിയാത്തതാണ്...പുലര്ച്ചെ ബാപ്പ വിളിച്ചുണര്തുംെ..ചോറിലേക് കഞ്ഞി വെള്ളം ഒഴിച്ച് കുഴച്ചു തിന്നും...ബാപ്പയുടെ കൂടെ പള്ളിയിലേക്ക്‌..ബാപ്പ രാത്രി മടങ്ങുമ്പോള്‍ കൂടെ മടങ്ങും...ഇടയ്ക്ക് എന്തെങ്കിലും ആവശ്യത്തിന് ബാപ്പ പറഞ്ഞയച്ചാല്‍ പുറത്തു പോകും...പിന്നെ ബാപ്പയെ പ്രായം തളര്‍ത്തിയപ്പോള്‍ ബാപ്പ ഇല്ലാതെ...അന്നത്തെ നോമ്പ് ശരിക്കും ഒരു അനുഭൂതി തന്നെയാണ്. നോമ്പിന് കൊട്ടുക്കര സ്കൂളില്‍ പോയിരുന്ന കാലവും...സ്കൂള്‍ വിട്ട് പള്ളിയില്‍ വന്നു ഉറങ്ങി അസര്‍ നമസ്കരിച് വീട്ടില്‍ പോയ കാലവും മനസ്സിലൂടെ കടന്നു പോകുന്നു...നോമ്പിന്റെ അവസാനത്തെ പത്തില്‍ പള്ളിയില്‍ രാത്രി താമസമാക്കും..ഫിതര്‍ സകാത് കൊടുക്കാനുള്ള അരി കൊണ്ട് വരും ...അതിന്റെ ലിസ്റ്റ് കുഞ്ഞാക്ക(അമ്മാവന്‍ പി.പി.മുഹമ്മദ്‌ മദനി) പറഞ്ഞു തരും..അത് പേപ്പറില്‍ പകര്ത്തി എഴുതും പിന്നെ രാവിലെ അതത് വീടുകളില്‍ എത്തിക്കും...അതിനൊക്കെ കുഞാക്കാക് ഒരുപാട് സഹായികള്‍ ഉണ്ടായിരുന്നു...ആ രൂപം ഇന്നും തുടരുന്നു....

അങ്ങനെ ഉള്ള ഒരു നോമ്പ് കാലത്ത്‌ നടന്ന ഒരു സംഭവം ഓര്മ്മ. വരുന്നു.......ഒരു റമദാന്‍ ഇരുപത്തി ഏഴാം രാവ്...........എല്ലാവരും പള്ളിയില്‍ ഉണ്ട...ഞാന്‍ ഖുറാന്‍ ഓതി കൊണ്ടിരിക്കുന്നു........കെ. എം. സലിം മാസ്റ്റര്‍ എന്റെ അടുതുണ്ട്. പിറ്റേ ദിവസം നോമ്പ് തുറയും പഠന ക്യാമ്പും ഉണ്ട......രാത്രി പതിനൊന്നു മണിക്ക് ഉപ്പ വന്നു...ഒരു ക്ലാസ്സ്‌ കൂടി എടുക്കാന്‍ ആളെ കിട്ടിയിട്ടില്ല......കാവനൂര്‍ അബ്ദുല്‍ വഹാബ് സുല്ലമിയെ പോയി വിളിച്ചു നോക്കാം.....ഉപ്പ ക്ഷീണിച്ചിരിക്കുന്നു...ഞാന്‍ ബൈക്ക്‌ ഓടികണം...മൊറയൂറിലെ മുനീര്‍(മുനീര്‍ മദനി) കൂടെ വരും..അവനു ബൈക്ക്‌ ഓടിക്കാന് അറിയില്ല..നീ ഒന്ന് പോകണം...

അങ്ങനെ മുനീരിനെയും ഇരുത്തി യാത്രയായി..നല്ല തണുപ്പുണ്ട്..അവിടെ എത്തിയതും ഞാന്‍ നേരെ കക്കൂസിലേക്ക് ഓടി......വയര് വേദന അസഹ്യമായിരുന്നു...ഞാന്‍ കാര്യം സാധിച്ചു വന്നപ്പോഴേക്കും മുനീര്‍ സുല്ലമിയെ കണ്ടു ക്ലാസ്സ്‌ ഉറപ്പിച്ചു , ബൈകില്‍ കയറി ഇരിക്കുന്നുണ്ടായിരുന്നു....അവന്‍ പറഞ്ഞു ഞാന്‍ ഓട്ടാം..ഒടുവില്‍ അവന്റെ നിര്‍ബന്ധത്തിനു വഴങ്ങി ഞാന്‍ പിറകില്‍ കയറി...കാവനൂര്‍-മോങ്ങം റോഡില്‍ കയറിയതും എവിടെ നിന്നോ പഠിച്ച തിയറി ക്ലാസ്‌ അവന്‍ പ്രാക്ടിക്കല്‍ ആയി നടത്തി...നാല് ഗീരും മാറ്റി സ്പീഡില്‍ ഒരു വളവു തിരിച്ചു...പിന്നെ ആഞ്ഞു ബ്രീക്കും ചവിട്ടി....വണ്ടി റോട്ടില്‍ പോത്തോം...വണ്ടിയിടെ ഇടയില്‍ കുടുങ്ങി തിരിഞ്ഞു തുടയിലെ തോലുപോയി...ഞാന്‍ പിടിത്തം വിട്ടു...രണ്ടു മൂന്നു മിനുട്റ്റ്‌ ഒന്നും മിണ്ടാന്‍ കഴിഞ്ഞില്ല...പതുക്കെ എണീററ് ബൈക്ക്‌ നിവര്ത്തി സ്റ്റാര്ട്ട് ‌ ചെയ്തു...ശരീരത്തിന്റെ ഒരു ഭാഗം ആകെ പഞ്ചര്‍ ആയിരിക്കുന്നു...ഉടുത്തിരുന്ന തുണി കഴിച്ചു തോലുപോയ ഭാഗത്ത്‌ വരിഞ്ഞു കെട്ടി അര്‍ദ്ധനഗ്നനായി ആ ധന്യരാത്രിയില്‍ ബൈക്ക്‌ ഓട്ടി.....മോങ്ങതെതി..... നോക്കുമ്പോള്‍ മുനീറിന്റെ പാന്റ ആകെ കീറിയിരിക്കുന്നു......ഇരു കാല്മുട്ടിലെക്കും നോക്കിയാല്‍ ചുവന്ന ഹസാര്ഡ്ട‌ ഇന്‍ഡികേറ്റര്‍ ഇട്ടപോലെ....ഒടുവില്‍ ഒന്നരകാലനായി നാട്ടിലെ പ്രായം ചെന്നവരോടൊപ്പം ഈദ്‌ ഗാഹിന്റെ പിറകില്‍ ഇരുന്നു പെരുന്നാള്‍ ആഘോഷിച്ചു...ശേഷമുള്ള ഓരോ ഇരുപത്തിയേഴാം രാവിനും കാക്കു(കെ.എം.സലിം മാസ്റ്റര്‍) പറയും "നിയാസ് ഇന്ന് നമുക്ക്‌ ബൈക്ക്‌ ഓടിക്കെണ്ടേ..?" .അത് കേള്കുമ്പോള്‍ ഇന്‍ഡികേറ്റര്‍ ഇട്ട മുനീറിന്റെ ആ കാല്‍ മനസ്സില്‍ തെളിയും...
റമദാന്‍ ഇങ്ങനെ ഒരുപാടനുഭവങ്ങള്‍ സമ്മാനിക്കും....റമദാനിലെ പല യാത്രകളിലും പല കുടുംബങ്ങളുടെയും ദയനീയ അവസ്ഥ കാണുമ്പോള്‍ സന്കടപെട്ടുപോയിട്ടുണ്ട്. പലര്ക്കും ആവുന്നത് ചെയ്തു കൊടുത്തിട്ടുമുണ്ട്..

ഓരോ റമദാനും നേട്ടങ്ങള്‍ കൊയ്ത്തു മുന്നോട്ടു പോയപ്പോള്‍ ഒരു റമദാന്‍ എനിക്ക് കറുത്ത ആദ്യായയമായി ബാക്കി നിന്നു....പാപമോചനത്തിന്റെ മാസം പപവര്ധനവിന്റെ മാസമായോ എന്ന് വിലപിക്കേണ്ട ഒരു മാസംപോലെ...ആ റമദാന്‍ കഴിയുമ്പോള്‍ അടുത്ത റമദാന്‍ വരെ ആയുസ്സ്‌ ഉണ്ടാകണമെന്ന് ഞാന്‍ പ്രാര്ത്ഥി്ച്ചു...അള്ളാഹു ആ പ്രാര്ത്ഥന കേട്ടു...ശേഷം നാലാമത്തെ റമദാന്‍ ദിവസങ്ങള്‍ അകലെ മാത്രം എത്തി നില്കു‍ന്നത് വരെ ആയുസിന്റെ പുസ്തകത്തില്‍ എനിക്ക് പേജുകള്‍ ബാകിയായി....കഴിഞ്ഞ ഓരോ രമദാനും ലഭാമായിരിക്കണം...എന്റെ നിന്മകള്‍ മായ്ഞ്ഞു പോയിരിക്കണം....!

കേട്ടറിവുകളില്‍ നിന്ന് മാത്രം മനസ്സില്‍ കോറിയിട്ട തിരുഗേഹങ്ങളുടെ ചിത്രവും പരിസരങ്ങളും നേരിട്ട് കാണാന്‍ കഴിഞ്ഞ റമദാനില്‍ എനിക്ക് സാധിച്ചു...ജീവിതം ഇരുപത്തിനാല് വയസ്സ് കഴിഞ്ഞു ഇരുപതന്ജിലെക്ക് കാലെടുത്തു വെക്കും മുമ്പേ ആ സ്വപ്നവും സാഫല്യമായി...അതും എന്‍റെ മാതാപിതാക്കളുടെ കൂടെ..കേട്ടറിഞ്ഞതിനെക്കാള്‍ എത്രയോ വലുതായിരുന്നു കണ്ടറിഞ്ഞ മക്കയും മദീനയും...ആ ഉംറ മനസ്സിന് നല്കി്യ ആശ്വസത്തെ കുത്തിക്കുറിക്കാന്‍ എന്റെ വാക്കുകള്‍ പരിമിതമാണ്...സര്‍വ്വ സ്തുതിയും അല്ലഹുവിനാണ്...കഴിഞ്ഞ രണ്ടു റമദാന്‍ ദുബൈയിലായിരുന്നു...നാടിലെകാല്‍ ശാന്തത അനുഭവപ്പെടുന്നു ഇവിടുത്തെ റമദാന്‍ ദിന രാത്രങ്ങള്‍...വിവിധ പള്ളികളില്‍ വിവിധ നാട്ടുകാര്‍ ആയ ഇമാമുമാര്‍...എന്തൊരു നല്ല ഖുറാന്‍ പാരായണം...ഏറെ പുതുമ തോന്നുന്ന ദുബായ് ഹോലി ഖുറാന്‍ അവാര്ഡ്ു‌ പരിപാടി...നോമ്പ് തുറകള്‍... അറേബ്യന്‍ രീതിയിലുള്ള ഭക്ഷണങ്ങള്‍...എല്ലാം ഒന്നോന്നിക്കള്‍ മെച്ചം...

വീണ്ടുമൊരു റമദാന്‍ കടന്നു വരുന്നു... ഒരു റമദാനിന്റെ തുടക്കത്തില്‍ ആണ് ഞാന്‍ പ്രവാസത്തിന്റെ പേജുകള്‍ മറിചു തുടങ്ങിയത്...ലാഭത്തിന്റെ കണക്കുകള്‍ മാത്രം നിരത്താനുള്ള ഈ പ്രവാസത്തിനു ഒരു തിരശീല കുറിചു വീണ്ടും ഒരു നാട്ടിന്പുയറത്തെ നാടന്‍ രീതികളിലേക്ക് മടങ്ങാന്‍ ഞാന്‍ ഒരുങ്ങിയിരിക്കുന്നു....ആ യാത്രയും ഭൂമിയില്‍ എനിക്കേറ്റവും ഇഷ്ടപെട്ട മക്കയും മദീനയും സന്ദര്ശിച്ചു മടങ്ങാന്‍ തീരുമാനിച്ചു അതിനുള്ള തയ്യാറെടുപ്പുകള്‍ നടത്തി കാത്തിരിക്കുകയാണ്....നന്മകള്‍ നിറഞ്ഞ ഒരു റമദാന്‍ കൂടി കടന്നു വരട്ടെ എന്നാഗ്രഹിച്ചു ഒരു പതിതനെപ്പോലെ ഞാനും കാത്തിരിക്കുന്നു.....

6 comments:

  1. നല്ല കുറിപ്പ്. നല്ല ഓര്‍മ്മകള്‍
    ആശംസകള്‍

    ReplyDelete
  2. MASHA ALLAH valare nannayituntu
    oruruthareyum avarude baliya kaala nombukalilekku kai pedichu kondupokunna lekhanam
    shukran

    ReplyDelete
  3. niyas no nice.keep on witing.your writing is so simple and sincere.Allah Hafiz

    ReplyDelete
  4. masha allah oro pravasyam ezhuthumpolum mechappettu varunnund nannayittund anubhavangal pankuvekkumpol sathyasantha mayathukoodiyakumpol manassinu orananthamanu

    ReplyDelete
  5. أحسنت. ماشا الله... هذه الكلمات البسيطة والصادقة إعطاء تبرد قليلا في هذا الصيف

    ReplyDelete
  6. Nice dear Niyas.....

    Include me on your prayers in the Holly land ........

    ReplyDelete